السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
بِسْمِ اللّهِ الرَّحْمَنِ الرَّحِيْمِ
Mugi seratan punika wonten mumpangatipun dateng diri kula pribadi mandhapipun dhumateng para sedhereh sedaya ingkang kersa mampir wonten blog kawula,
Nuwun
Sinebat LANANG punika lantan wewenang,
Dene WADON punika wadu wadu punika kawula,
Sampun dados kewajiban sipating lanang kedah ngayomi dhateng para kawulanipun, sampun dados kewajibanipun kawula kedah ngabegti dateng gustinipun.
Wondene PRIYA ngemu werdi mamardi dateng karahayon,
Dene WANITA wani dipun tata tumuju dhateng kautamaning wanita.
Wondene JALER kalian ESTRI,
Jaler mengku suraos jalaran tuwuhing wiji,
Dene estri punika adeg adeg, sipating pawestri punika adeg adeging keluwarga.
Ingkang pungkasan KAKUNG kalawan PUTRI,
Kakung punika karep ingkang linangkung menawi saget nuhoni dhateng darmaning lanang, priya, kalian jaler punika kasembadan ingkang dados kakung karep ingkang linangkung,
Saha malih menawi saget nindakaken darmaning wadon,wanita kalian estri nembe sinebat putri, putri punika putus tri perkawis darmaning wadon wanita kalian estri
